Հայտնի է ճարպակալման դեմ թէ որ մթերքն է շատ օգտակար..

Հարավկորեացի գիտնականները հայտնել են այն մթերքի մասին, որն օգնում է ճարպակալման դեմ պայքարին։ Food News–ը, վկայակոչելով Journal of Medicinal Food ամսագրում հրապարակված գիտական հոդվածը, նշում է, որ մկների վրա կատարված փորձերը ցուցադրել են ավելորդ քաշի դեմ պայքարում սեւ բրինձի արդյունավետությունը։

Փորձի շրջանակում պարզվել է, որ սեւ բրինձով հավելումները կարող են ճարպերի կուտակում ինհիբիրացնել մկների լյարդում, որոնք սնվել են ճարպերի մեծ պարունակությամբ սննդակարգով։ Սեւ բրինձը նվազեցրել է տրիգլիցերիդների եւ օրգանիզմում խոլեստերինի հիմնական փոխանցող փոքր խտության լիպոպրոտեինների մակարդակը (ՓԽԼՊ).

Սովորաբար ՓԽԼՊ–ի եւ տրիգլիցերիդների մակարդակի բարձրացում է դիտվում ճարպակալմամբ մարդկանց շրջանում եւ համարվում է սրտային հիվանդությունների վտանգի գործոն։

Այսպիսով, ճարպակալման դեպքում սեւ բրինձն արդյունավետ է, քանի որ նպաստում է ճարպի քայքայմանը։ Դրանից բացի, այս մթերքը ավելի մեծ քանակությամբ սպիտակուց, բջջանյութ եւ հակաօքսիդանտներ է պարունակում, քան սպիտակ բրինձը։

 

Понравилась статья? Поделиться с друзьями: