Օրական մեկ բանան ուտելու օգտակարությունը և դրա ազդեցությունը օրգանիզմի վրա.

Այս համեղ արևադարձային միրգը շատերն են սիրում, սակայն դրա օգտակարության և բուժական հատկությունները ոչ բոլորին է ծանոթ: Բանանի օգտակար հատկանիշները ներկայացրել է Healthy Life Tricks-ը:


Ընկճախտ (դեպրեսիա)

Ընկճախտով տառապողների շրջանում կատարված հետազոտությունը ցույց է տվել, որ բանանի օգտագործումից հետո նրանց վիճակը զգալիորեն բարելավվել է: Դա տեղի է ունենում տրիպտոֆան տեսակի սպիտակուցի առկայության շնորհիվ, որը մեր օրգանիզմը վերածում է սերոտոնինի` երջանկության հորմոնի, որը հանգստացնում է և բարելավում տրամադրությունը:

Նախադաշտանային ախտանիշ

Դեղահաբերի փոխարեն կարող եք բանան ուտել: Բանանում առկա B6 վիտամինը կարգավորում է գլյուկոզայի մակարդակը` անմիջականորեն ազդելով տրամադրության վրա:

Սակավարյունություն (անեմիա)

Բանանի պարունակության մեջ առկա երկաթի մեծ քանակությունը խթանում է հեմոգլոբինի արտադրությունը`օգնելով վերականգնել արյան կարմիր գնդիկները:

Արյան ճնշում

Բանանի պարունակության մեջ առկա կալիումն ու աղի քանակությունը հիանալի համադրություն են արյան բարձր ճնշման դեմ պայքարելու համար:

Ուղեղ

Բանանը բարելավում է ուղեղի աշխատանքն ու ուշադրությունը կալիումի հարուստ պարունակության շնորհիվ:

Փորկապություն

Բանանը հարուստ է մանրաթելերով և նպաստում է մարսողական համակարգի նորմալ աշխատանքին` առանց լուծողականների կիրառության:

Այրոց

Բանանը դրականորեն է ազդում օրգանիզմի վրա բարձր թթվայնության պարագայում` պայքարելով այրոցի զգացողության դեմ:

Մոծակի խայթոց

Տարատեսակ քսուքների դիմելուց առաջ ցավը հանգստացնելու համար խայթոցից տուժած հատվածն անհրաժեշտ է բանանի կեղևի ներսի մասով տրորել: Դա հանգստացնում է այտուցվածությունն ու գրգռվածությունը:

Նյարդեր

Բանանը հարուստ է վիտամին B-ով, որը հանգստացնում է իմունային համակարգը: Քաղցրի կամ կալորիականությամբ հարուստ ուտելիքի փոխարեն օգտագործեք բանան ցանկացած սթրեսային իրավիճակում հանգստանալու համար:

Խոց

Բանանը բուժիչ է համարվում աղիքային հիվանդությունների ժամանակ իր փափկության շնորհիվ: Բանանն այն ուտելիքն է, որը թույլատրվում է ուտել խոցի անգամ ամենաբարդ տեսակի ժամանակ: Բանանը չեզոքացնում է թթվայնությունը և գրգռվածությունն օրգանիզմում` պաշտպանիչ շերտ ստեղծելով ստամոքսում:

Понравилась статья? Поделиться с друзьями: