«168 ժամ» թերթը գրում է. «Այն մարդիկ, ովքեր լափում են գյուղացուն հատկացված գումարները, հետո գալիս նախարար են դառնում»,- մեր թղթակից հետ զրույցում ասել է Ագրարագյուղացիական միավորման նախագահ Հրաչ Բերբերյանը՝ հրաժարվելով հստակեցնել՝ արդյոք խոսքը նոր գյուղնախարարի մասին է։
«Համենայնդեպս, ես գիտեմ նախարար, որ 4 քրեական գործով հետաքննվում է, բայց նշանակվում է նախարար»,-ասել է նա:
Հարցին, թե ո՞ր ոլորտի նախարար է 4 քրեական գործով հետաքննվում՝ հարցին, Բերբերյանը կրկին հրաժարվել է պատասխանել՝ ընդգծելով, որ երբ ժամանակը գա՝ կբացահայտի. «Հայ ժողովրդի պատմության մեջ նման բան չի եղել, որ քրեական գործերը վրան՝ մարդը դառնա նախարար։ Այսինքն՝ պետք է հանցագործ լինե՞ս, որ այս երկրում պաշտոն ստանաս»։
