Ղազախստանի նախագահի թոռնուհու հարսանիքին հյուրերը 1,5 տոննա քաշով, 64.000 դոլար արժողությամբ տորթ են կերել
Մեկուկես տոննա քաշով տորթ են կերել Ղազախստանի նախագահի քրոջ թոռան՝ Արուժան Սաթիբալդիի (օլիգարխ Քայրաթ Սաթիբալդիի դստեր) և ձեռնարկատեր Սերիկժան Սեյթժանովի թոռան հարսանիքի հյուրերը։
Իր՝ 4,2 մետր բարձրությամբ և 3 մետր տրամագծով՝ դղյակի տեսքով ստեղծագործությունը Instagram-ում տեղադրել էր ռուսաստանցի հրուշակագործ Ռենատ Ագզամովը։
Հեղինակի խոսքերով՝ նրա թիմը տորթի պատրաստման վրա երեք օր ու գիշեր է աշխատել՝ առանց քնելու։ Forbes-ի հաշվարկներով տորթը միլիոնատերերի վրա նստել է մոտ 64 հազար դոլար։
Որոշ հյուրերի հաղորդմամբ՝ հարսանիքին ներկա են գտնվել նաև հայտնի բռնցքամարտիկ Գենադի Գոլովկինը և երկչուհի Վալերիան, սակայն հենց տորթն է դարձել երեկոյի հիթը։
Մաժիլիսի (խորհրդարանի) նախագահի տեղակալ Վլադիմիր Բոժկոն հայտարարել է, որ տորթի համար փեսայի ընտանիքն է վճարել։
