Աշխարհահռչակ երաժիշտ Սերժ Թանկյանն անդրադարձել է The Economist բրիտանական հեղինակավոր պարբերականի հրապարակած հոդվածին, որում Հայաստանը ներկայացվել էրորպես «Տարվա երկիր»:
Վերջինս տեղեկացրել է նաև, որ մտադիր է հաջորդ տարի ֆիլմ ներկայացնել, որը կպատմի Հայաստանում տեղի ունեցած Թավշյա հեղափոխության մասին:
«Այնքան հպարտ եմ, որ աշխարհի ամենահարգված քաղաքական ամսագրերից մեկը՝ The Economist-ը, որի մեծագույն ընթերցողն եմ ես, Հայաստանը ճանաչել է 2018-ի «Տարվա երկիր» երկրում իրականացված խաղաղ Թավշյա հեղափոխության և վերջերս տեղի ունեցած խորհրդարանական ընտրությունների շնորհիվ:
Մի քանի լավ ընկերների հետ մենք վավերագրական ֆիլմ ենք պատրաստում հեղափոխության մասին, որը կոչվելու է «Ես մենակ չեմ» (I Am Not Alone): Ֆիլմը պատրաստ կլինի հաջորդ տարի», — սոցցանցում գրել է երաժիշտը:
