Խոշոր ավտովթար Կոտայքի մարզում՝ կա մեկ զոհ:

Այսօր՝ հոկտեմբերի 7-ին, հիվանդանոցում մահացել է 17-ամյա Հայկարամ Խաչատրյանն, ով հիվանդանոց էր տեղափոխվել երեկ՝ հոկտեմբերի 6-ին, Կոտայքի մարզում տեղի ունեցած խոշոր ավտովթարի հետևանքով: Հոկտեմբերի 6-ին ժամը 13:30-ի սահմաններում, Հանքավան-Հրազդան ավտոճանապարհի 3-րդ կմ հատվածում բախվել էին Երևանի բնակիչ, 28-ամյա Երվանդ Խերունցյանի վարած Toyota մակնիշի 35 GR 505 համարանիշի և Կոտայքի մարզի Արտավազ գյուղի բնակիչ, 27-ամյա Զավեն Սահակյանի վարած ՎԱԶ-2106 մակնիշի 42 ՏL 215 համարանիշի ավտոմեքենաները: Վթարի հետևանքով 06-ը կողաշրջվել էր, իսկ վարորդ Զ. Սահակյանն ու նրա ուղևոր, 17-ամյա Հայկարամ Խաչատրյանը մարմնական վնասվածքներով տեղափոխվել էին «Հրազդան» բժշկական կենտրոն: