ՀՀԿ-ն ինչպես տապալել է իշխանական կուսակցություն լինելու իրենց տրված հնարավորությունը, այնպես էլ կարող է տապալել ընդդիմություն լինելու իրենց հնարավոր տրվելիք մանդատը:ՏԵՍԱՆՅՈՒԹ

 

 

ՀՀԿ-ն ինչպես տապալել է իշխանական կուսակցություն լինելու իրենց տրված հնարավորությունը, այնպես էլ նույն ձևով կարող է տապալել ընդդիմություն լինելու իրենց հնարավոր տրվելիք մանդատը: Այս մասին խորհրդարանում լրագրողների հետ զրույցում ասաց փոխվարչապետի պաշտոնակատար Տիգրան Ավինյանը: «Եվ ես չեմ տեսնում մրցակցություն ՀՀԿ-ի ու մեր միջև»,- ասաց նա:

Ըստ փոխվարչապետի՝ ՀՀԿ սխալը կայանում է նրանում, որ անկեղծ չես ինքդ քեզ հետ: «Երբ անկեղծ չես ինքդ քո հետ, բոլորը դա տեսնում են և չեն ընկալում որևէ հայտարարություն»,- ասաց նա՝ անդրադառնալով ՀՀԿ հայտարարությանը: Նա նշեց, որ ՀՀԿ-ն մինչև օրս չի կարողանում գիտակցել այն իրողությունը, որ այլևս իշխանություն չեն, և այլևս ժողովրդին է պատկանում այդ իշխանությունը: Եվ ժողովուրդն է ընտրությունների միջոցով որոշելու, թե ով է լինելու հաջորդ ընդդիմությունն ու իշխանությունը:

նշեց, որ Քաղաքացիական պայմանագիր կուսակցության ընտրական ցուցակը լինելու է բազմազան, դրանում ներառված են լինելու տարբեր հասարակական և քաղաքական գործիչներ, մասնագետներ տարբեր ոլորտներից: «Եվ ես համոզված եմ, որ ԱԺ գալիք ընտրությունների արդյունքում մենք ունենալու ենք բավական ուժեղ և կայացած խորհրդրան»,- ասաց նա:
Понравилась статья? Поделиться с друзьями: