Ռուսական շոու բիզնեսի երգչուհին «Դլե Յաման» երգով հարգել է Հայոց ցեղասպանության զոհերի հիշատակը…

Ռուսական շոու բիզնեսի աստղ, երգչուհի Զառան (իսկական անունը Զարիֆա Մգոյան) իր Instagram-ում տեսանյութ է հրապարակել, որում «Դլե Յաման» ստեղծագործության կատարմամբ հարգանքի տուրք է մատուցել 1915թ․-ի Հայոց ցեղասպանության զոհերի հիշատակին։

Իր հրապարակմանը կից նա կատարել է հետեւյալ գրառումը․ «Հարգանքի տուրք ենք մատուցում Հայոց ցեղասպանության զոհերի հիշատակին։ Այսօր միայն մեր ձեռքերում է ոչ մի ազգի ցեղասպանություն թույլ չտալը։ Պահպանեք միմյանց»։

Երգչուհու հետեւորդներն ու երկրպագուներն անմասն չեն մնացել եւ մեկնաբանությունների հատվածում նույնպես հարգել են Եղեռնի զոհերի հիշատակը։

Նրանք հիացել են Զառայի հիանալի ձայնով, երգով եւ հայ ազգին մխիթարող խոսքեր են հղել՝ մաղթելով ուժ եւ բարգավաճում։ Մեկնաբանություններ են թողել նաեւ շոու բիզնես շատ ներկայացուցիչներ, որոնց թվում է հայտնի գործարար, պրոդյուսեր, երգիչ եւ կոմպոզիտոր, Իլհամ Ալիեւի դստեր՝ Լեյլայի նախկին ամուսինը՝ Էմին Ագալարովը։ «Շատ անկեղծ է», — գրել է նա։

Понравилась статья? Поделиться с друзьями: