Լավ լուր․ Քննարկվում է 7-18 տարեկան երեխաների բուժօգնությունն ընդգրկել պետպատվերի մեջ… մանրամասներ

 

Առողջապահության նախարար Արսեն Թորոսյանն երեկ ընդունել էր Հայաստանում ՄԱԿ-ի Մանկական հիմնադրամի հայաստանյան գրասենյակի ղեկավար Տանյա Ռադոչային:

Քննարկվել են երեխաների առողջության մարտահրավերներն ու առաջնահերությունները, ինչպես նաև հետագա համագործակցության ոլորտները:

Երեխաների առողջության մարտահրավերներին անդրադառնալով` նախարարը նշել է. «Ներկայումս ընթացքի մեջ են 2020 թվականի բյուջետային քննարկումները և մեծ ցանկություն կա 7-18 տարեկան երեխաների բուժօգնությունն ընդգրկել պետական պատվերի

մեջ  և կախված ֆինանսական հնարավորություններից դա կարող է կատարվել կամ հաջորդ տարի, կամ 2021-ից։ Ամեն դեպքում էական շարունակական աճ է լինելու մոր և մանկան բյուջեի վրա»:

ՄԱԿ-ի ներկայացուցիչները նշել են, որ նախատեսվում է իրականացնել բազմագործոն հետազոտություն, որոնց հարցերի շրջանակը կներառի երեխաների սնուցման, աճի և զարգացման, ինչպես նաև առողջապահական այլ հարցեր:

Տեղեկացրեք Ձեր մտերիմներին

Понравилась статья? Поделиться с друзьями: